Horta de primavera-verán

Seguimos enchendo os bancais de novos cultivos.

Desta volta foi o alumnado de 5º de EI o que con algo de axuda e moi boa maña plantou pementos e berenxenas de distintas variedades, incluíndo tamén algunha autóctona.

Horta de primavera-verán

Iniciamos a época dos cultivos de primavera-verán coa estrea dos novos bancais que colocamos na zona lateral do patio.

Deste xeito o Alumnado de 2ºB plantou tomateiras de distintas variedades, incluíndo algunha local, para fomentar así a protección de especies autóctonas tamén na horta.

Eco-reto abril: Concienciamos

Para estrear o eco-reto do mes, Ángel Quintana de 5ºB de EP aproveitou unha garrafa de auga baleira para crear un divertido xogo.

Bo traballo! ♻

Colocamos os hoteis de insectos

O pasado martes colocamos en distintas zonas do cole os hoteis de insectos feitos polo alumnado de 4º a 6º de EP.

Os nenos e nenas maiores encargáronse de explicarlle aos máis pequenos algunhas das funcións que teñen estas estruturas, tales como servir de refuxio se vai moita calor, axurdarnos a polinizar a horta ou favorecer a presenza de insectos beneficiosos para loitar contra pragas.

Eco-reto abril: Concienciamos

 

Día da árbore: Saída ao viveiro de Bóveda "Os Trollos" (Proxecto 23-24)

O pasado 22 de marzo, con motivo do Día da Árbore e como parte do proxecto deste ano, o alumnado de 4º a 6º de EP levou a cabo unha saída ao viveiro "Os Trollos" de Bóveda.

Alí pasaron unha estupenda xornada onde aprenderon moitas cousas interesantes para coñecer e coidar a flora e fauna autóctonas, tales como elaborar sementeiros, facer hoteis para insectos, plantar árbores, etc.

Un fantástico día no que ademáis ata acompañou o bo tempo! 🌱🌳🌞

Eco-reto marzo: Plantamos!

Seguimos coa preparación dos novos cultivos amosando o "lápis leituga" de Vega Rodríguez de 4ºEI.

A falta de horta ou finca, sementouno nunha maceta que deixou no balcón agardando ter os mesmos resultados que o ano pasado. 🌱🌱🌱