A reciclaxe non para!

 Achégase o remate do curso e no cole seguimos reciclando.

Cada semana, e a pesar de que o noso obxectivo é xerar cada vez menos residuos, baleiramos cubos cheos de papel e cartón que van directos ao contedor azul.

Ben feito! 

Máis horta!

Continuamos plantando na horta.

Desta volta, alumnos e alumnas de 5ºA foron os encargados de levar a cabo esta tarefa para seguir así aumentando os nosos cultivos.

Amorodos, pirixel e leitugas foron os protagonistas nesta ocasión.

 

 

Mesa de cultivo en Infantil

 Desde hai uns días no patio de infantil dispoñemos dunha mesa de cultivo.

Deste xeito, os máis peques do cole tamén poden plantar e ver medrar amorodos, pirixel ou leitugas con máis facilidade e sen saír da súa zona.

 

 

Día Internacional da Concienciación sobre o Ruido

 O 27 de abril celebrouse o Día Internacional da Concienciación sobre o Ruido.

Nesta data, o alumnado de 4º levou a cabo unha serie de actividades para darse conta das consecuencias que o ruido ten na saúde.

Primeiro, visualizaron un video sobre a contaminación acústica. Logo, elaboraron cartaces para pedir menos ruído e, finalmente, debuxaron nun folio dúas paisaxes: Unha con contaminación acústica e outra sen ela, coloreando a primeira de vermello e a segunda de verde co fin de salientar cal era saudable e cal non.

 

Decoramos as xardineiras

 Coa chegada do bo tempo, aproveitamos para poñer bonitos os espazos verdes do cole. 

Neste caso, para facelo, contamos coa axuda dun grupo de alumnos e alumnas de 6º os cales plantaron flores nas xardineiras do patio.

Volvemos á horta!

 Iniciamos a tempada de primavera-verán na horta plantando tomates, pementos, leitugas, cebolas e repolos.

Deste xeito, o noso espazo de cultivo empeza a coller forma grazas a algunhas alumnas de 6º que se puxeron máns á obra con moito empeño.