Belén de artesáns

 Este ano polo Nadal decidimos crear un Belén de artesáns tradicionais feito con material reutilizado.

Para recordar estes oficios, algúns deles hoxe desaparecidos, o alumnado creou figuras variadas: Tecelás, cociñeiros/as, pescadores, ferreiros/as, zoqueiros/as, panadeiros/as, apicultores... Ademáis de, por suposto, o pesebre, os Reis Magos e moitos animaliños.

 Entre outras cousas empregamos: Botes de iogur bebible, botellas de auga, cartón, bricks de leite, papel de burbullas, etc.

Froito deste esforzo, cabe salientar que acadamos o 1º premio do Concurso de Beléns dirixido aos centros educativos do Concello de Monforte.

NORABOA!!!!!!!!!!!!  😁😁😁😁

                                                           

Día Internacional contra o consumismo

 O 26 de novembro conmemórase o Día Internacional contra o consumismo. 

Nesta data, e en contraposición co 'Black Friday' e outros movementos que incitan a consumir de xeito desmesurado, foméntase todo o contrario: Non mercar nada.

En definitiva, o obxectivo é reducir gastos e compras de cousas que ao final só alimentan a nosa ansia de ter máis e máis.

Para concienciar sobre esta práctica, o alumnado de 5ºA creou un taboleiro de anuncios onde seguindo unhas normas, poden facer intercambios ou regalos de cousas do seu interese: Libros, xoguetes...

Se clicades no link poderedes ver en que consiste esta fantástica idea!

Día Mundial das Montañas

 O 11 de decembro celebramos o Día Mundial das Montañas.

Nesta data, o alumnado de 6º investigou e indagou para coñecer máis sobre a formación e a idade das mesmas. 

Estes foron os seus traballos sobre algunhas das montañas e cordilleiras máis coñecidas do mundo:

Día Internacional para a redución dos desastres naturais

 O 13 de outubro conmemorouse o Día Internacional para a redución dos desastres naturais.

O alumnado de 2º celebrou esta data aprendendo cousas novas acerca dos volcáns, agora tan de moda debido á actividade do Cumbre Vieja na illa da Palma.

Para completar a tarefa, crearon o seu propio volcán con plastilina e empregaron bicarbonato de sodio, vinagre e colorante para simular a súa erupción.

O proceso é ben sinxelo e se vos gusta, podédelo facer na casa!

        

Día Internacional do Patrimonio Mundial

 Por segundo ano consecutivo, celebramos no cole o Día Internacional do Patrimonio Mundial.  

De novo, o alumnado de 6º foi quen conmemorou esta data.

Desta volta, indagaron sobre os monumentos máis importantes e característicos de distintos países e cidades de todo mundo e crearon un mural con todos os traballos. Este foi o resultado.