Eco-reto decembro: Reutilizamos

Para continuar engadindo máis elementos ao Belén do ferrocarril, Martín Gómez Losada de 2º A, fixo un tren de envíos extraordinarios dos seus debuxos preferidos (Blue's clues).

Para facelo empregou cartón e un tubo de patacas pringles. As rodas foron feitas co envase dos ovos sorpresa grandes.

Para decoralo Martín utilizou pintura en spray azul, buscou imaxes das personaxes no ordenador, imprimiunas e despois pegou goma eva nas fiestras, no teito e nas rodas. Completou a parte traseira pegando unhas estrelas vermellas. 

O reno foi feito cun tubo de cartón de papel hixiénico que pintou de marrón onde pegou uns ollos, un pompón vermello para o nariz e un limpapipas para a cornamenta.

O polo fíxoo cun vaso ao que lle recortou un trozo de cartolina branca para as ás, colocou algodón na parte traseira e os pés e usou feltro amarelo para o bico e o papo. Para a cresta usou goma eva vermella.

Como vedes quedou encantado co resultado... E nós tamén!!