Desde o mes de Abril coidamos de vermes de seda no cole.
Pouco a pouco fomos observando a súa evolución: Ao principio eran pequenas larviñas que foron medrando e medrando grazas ás follas de moreira das que se alimentaban. Unha vez acadaron o tamaño necesario, fixeron un casulo de seda para comenzar a súa metamorfose e transformarse en bolboretas. Ao rematar este proceso de cambio, reproducíronse e puxeron ovos completando así o seu ciclo vital.
O 14 de Marzo celebrouse o Día Internacional de Acción polos Ríos, e o alumnado de 5º conmemorou esta data traballando e investigando sobre os ríos galegos.
Entre outras cousas, indagaron sobre as especies invasoras que afectan á nosa fauna, buscaron información acerca das presas máis importantes de Galicia e do mundo e elaboraron un mapa fluvial de Galicia!
O 17 de maio, ademáis das Letras Galegas, celébrase o Día Internacional da Reciclaxe.
Para conmemorar esta data, os nenos e nenas de 4º elaboraron o seu propio papel a partir de restos de xornais!
Unha actividade moi orixinal e dinámica na que aprenderon moito.
Ollade o seguinte "genially" para ver como o fixeron e para coñecer un pouco máis acerca da reciclaxe.
En 6ºA sementaron cabazas e o pasado venres plantámolas na horta.
A planta da cabaza esténdese polo chan, polo que tivemos que deixar unha boa separación entre elas para que teñan espazo abondo e poidan medrar.
Os nenos e nenas de 6º de infantil plantaron pementeiras. Previamente, sementáronas na clase.
Deste xeito, coñeceron as características desta planta, abonaron, regaron e disfrutaron dun ratiño na horta.
O alumnado de 6ºB plantou tomateiras. Semanas antes, fixeron entre todos sementeiros na aula.
Primeiro preparamos o terreo, logo abonamos e finalmente plantamos seis tomateiras que agardamos que medren e den boa colleita!
