Proxecto 24-25: Ciencia ao coidado do medio ambiente - "Me gusta mi río"

Para este curso 24-25, o noso proxecto central terá como temática o "coñecemento e o uso da ciencia e do método científico para protexer o medio ambiente".

Neste senso, e grazas á inmersión no proxecto "Me gusta mi río", impulsado polo Ministerio e promovido pola Confederación Hidrográfica Miño-Sil, trataremos de investigar, coñecer e valorar o río Cabe para poder coidalo mellor.

A pesar de que o alumnado de 5º foi o elixido para levalo a cabo, procuraremos na medida do posible involucrar a todo o cole debido á importancia que ten saber coidar da nosa contorna.

Ao longo do curso levaranse a cabo 3 saídas, varios obradoiros e un proxecto final. Todo o proceso será guiado e coordinado por un comité científico que se encargará de aportar os coñecementos e as ferramentas necesarios aos nenos e nenas.